انصار: (د مرغومی ۱۵ مه) د کندهار ـ کابل پر لویه لاره په دامان ولسوالۍ کي د ۲۲ میلیونه افغانیو په لګښت کندهار ښار ته د ننوتو نوې دروازه جوړېږي.
د کندهار لپاره د طالبانو ولایتي ادارې په خپله اېکس پاڼه لیکلي، چې یاده دروازه د کندهار ښاروالۍ لخوا د ۲۲ میلیونه افغانیو په لګښت جوړیږي.
سرچینه زیاتوي؛ یاده دروازه ۱۰۲ متره اوږدوالی او ۶ متره پلنوالی لري، چي د جوړونې ۱۱ میلیونه افغانۍ د ښاروالۍ لخوا او پاتې ۱۱ میلیونه افغانۍ بیا د یوه ملي سوداګر لخوا ورکړل کیږي،
ویل شوي چې د دغې دروازې ټولې چارې به د درېیو میاشتو په موده کې بشپړي شي.
د ښارونو ورته دروازې پخوا د افغانستان په زیاتو سیمو کې وې، خو جګړو تر ډېره ویجاړې او له منځه یوړې.
URL تعقيب: https://www.ansarpress.com/pashto/29420
قرأ
د فرشتې کوهستاني او د هغه د ورور مړي خاورو ته وسپار شول